PROXECTOS DE AFORRO E EFICIENCIA ENERXÉTICA (IN417Y)

Convocadas polo INEGA axudas para a realización de actuacións e proxectos de aforro e eficiencia enerxética no sector industrial e de servizos (art. 21 REGLAMENTO (CE) 800/2008).

  

Esta axuda están destiñadas as actuacións seguintes:

  a) Sector Industria: investimentos ou gastos, incluíndo montaxe e posta en marcha, en:

   a.1) Substitución ou mellora de equipamentos e instalacións consumidores de enerxía do proceso produtivo, así como dos sistemas auxiliares necesarios para o seu funcionamento, por equipamentos e instalacións que utilicen tecnoloxía de alta eficiencia ou a mellor tecnoloxía dispoñible. O aforro enerxético mínimo requirido deberá ser dun 5%.

   a.2) Renovación de equipamentos de instalacións existentes de produción de calor e frío destinadas a atender a demanda de benestar e hixiene das persoas, por outras de alta eficiencia enerxética con maior rendemento enerxético, con excepción das que utilicen enerxías renovables. O aforro enerxético mínimo requirido deberá ser dun 20%.

   a.3) Mellora da eficiencia enerxética das instalacións de iluminación interior existentes que leven asociada unha redución anual do consumo de ao menos un 30%, garantindo un confort lumínico adecuado á tarefa que se vai realizar.

   a.4) Calquera outra actuación que implique un afo­rro enerxético mínimo dun 20%.
   

  b) Sector servizos: investimentos ou gastos, incluíndo montaxe e posta en marcha, en:

   b.1) Substitución de equipamentos para producir calor e/ou frío por outros con maior rendemento enerxético, excepto os que empreguen enerxías renovables. Deberán reducir os consumos de calefacción e refrixeración como mínimo nun 20%.

   b.2) Medidas necesarias para implementar unha contabilización e/ou telexestión do consumo de enerxía.

   b.3) Mellora da eficiencia enerxética das instalacións de iluminación interior existentes que leven asociada unha redución anual do consumo de ao menos un 30%, garantindo un confort lumínico adecuado á tarefa que se vai realizar.

   b.4) Calquera outra actuación que implique un afo­rro enerxético mínimo dun 20%.

  

As entidades beneficiarias deberán ser:

  -Empresas ou autónomos do sector da industria (CNAE-09 seccións C e D) e do sector servizos, excepto industria extractiva enerxética, refinación do petróleo e biocombustible, xeración, transporte e distribución de enerxía eléctrica.

  -Empresas de servizos enerxéticos que xestionen total ou parcialmente instalacións consumidoras de enerxía e que o obxecto dos contratos sexa a consecución de aforro eco­nómico derivado dun menor consumo de enerxía.

  

A contía das subvencións dependerá do tamaño da empresa: Pequenas: 40%; Medianas: 30%; Grandes: 20%; e nunca superará os 200.000€/proxecto, cun investimento mínimo de 6.000€.

 

Si estades interesados o prazo de solicitude remata o 20 de Xuño de 2013.

 

Máis info: 

BR e Convocatoria: RESOLUCIÓN do 14 de Maio de 2013 (DOG 21 de Maio de 2013, páx. 17.405)

Corr erros: DOG 27 de Maio de 2013, páx. 18.681
Modificacións: DOG 11 de Xullo de 2013, páx. 27.605
Ampl prazo xustif: DOG 24 de Setembro de 2013, páx. 37.750