O pasado 13 de decembro o IGAPE publicou no DOG as axudas para proxectos
empresariais de investimento dun dos seguintes tipos:
1-IG100. Creación dun novo establecemento, ampliación dun establecemento existente, diversificación da produción en novos produtos adicionais ou un cambio esencial no proceso xeral de
produción, cun investimento igual ou superior a 200.000 €;
2-IG101. Servizos avanzados superior a 100.000 €
cunha creación de emprego igual ou
superior a 10 novos postos de traballo indefinidos.
Estas axudas están destinadas a sociedades mercantís existentes ou en constitución, que acheguen para o proxecto de
investimento unha contribución financeira exenta de calquera tipo de apoio público de
polo menos un 25% e con actividades en:
1-IG100. Sectores da industria,
turismo, transporte e servizos de apoio industrial;
2-IG101. Actividades terciarias
destinadas ao consumo por terceiros ou por unidades produtivas da mesma empresa
ou grupo empresarial e caracterizadas polos altos requirimentos en capital
humano e tecnolóxico.
Os conceptos que se subvencionan son:
1. IG100:
a) Terreos (MÁX 10%), traídas e conexións de servizos, urbanización e
obras exteriores adecuadas ás necesidades do proxecto.
b) Obra civil: oficinas, laboratorios, servizos sociais e sanitarios
do persoal, almacenamento de materias primas, edificios de produción, edificios
de servizos industriais, almacenamento de produtos terminados e outras obras
vinculadas ao proxecto.
c) Adquisición de inmobles.
d) Bens de equipamento: maquinaria de proceso, instalacións
específicas para a actividade subvencionable, equipamentos e medios de
transporte interior, vehículos especiais de transporte exterior, medios de protección
do ambiente e outros bens de equipamento ligados ao proxecto. No sector de
transporte non son subvencionables os medios e equipamento de transporte
exterior.
e) Outros activos fixos materiais incluíndo mobiliario.
f) Activos inmateriais vinculados á transferencia de tecnoloxía (MÁX
50%). Entenderase como tales a adquisición de dereitos de patentes, licenzas e
aplicacións informáticas.
2. IG101:
a) Salarios brutos do persoal que se contrate durante o período de
execución do proxecto, ata 1 ano de salario por traballador e 5 veces o
investimento subvencionable.
b) Investimento: mesmos conceptos que no apartado IG100. No caso
de PEME o límite do punto f) amplíase ata o 75%.
Están destinadas a subvencionar actividades do tipo:
1. IG100:
a) Extracción, procesamento, transformación
ou produción de minerais, produtos enerxéticos ou os seus derivados.
b) Todos os sectores da industria, agás os
excluídos no Decreto
432/2009.
c) Eliminación, valorización ou reciclaxe
de residuos.
d) Turismo: hoteis balneario de 4 ou máis
estrelas. Actividades recreativas, deportivas ou de entretemento vinculadas ou
complementarias con establecementos ou aloxamentos turísticos.
e) Actividades de electrónica,
biotecnoloxía, robótica, audiovisual, telemática, telecomunicación e calquera
outra de avanzada tecnoloxía.
f) Transporte.
g) Loxística asociada ao sector industrial.
h) Servizos de apoio industrial.
2. IG101:
a) Actividades de programación informática.
b) Actividades de centros de chamadas ou
servizos telemáticos.
c) Actividades de sedes centrais ou zonais.
d) Enxeñaría de produtos e procesos
industriais.
e) Enxeñaría de ensaio e control de
calidade.
f) Publicidade e comunicación.
g) Deseño industrial.
A intensidade máxima da axuda dependerá do tamaño da empresa: 50% PEQUENAS; 40% MEDIANAS; 30% GRANDES
e SECTOR TRANSPORTE; segundo a fórmula:
1. IG100: 5+(50xPUNTOS PROXECTO/200)+(PUNTOS
CONTRATACIÓN PERSOAS DIFICULTADES)+(PUNTOS POLÍGONO INDUSTRIAL) (ver artigo 6.4)
2. IG101: 15+(35xPUNTOS PROXECTO/30)+(PUNTOS
CONTRATACIÓN PERSOAS DIFICULTADES) (ver artigo 7.4)
Se estades interesados recordade que o prazo de solicitude remata o 30 de abril de 2014.
Máis info:
RESOLUCIÓN do 5 de Decembro de 2013: DOG 13 de Decembro de 2013, páx. 47.933;
No hay comentarios:
Publicar un comentario