AXUDAS PARA INVESTIMENTOS INNOVADORES

O venres 24 de xaneiro a Axencia Galega de Innovación (GAIN) convocou as axudas para incentivar o desenvolvemento de actuacións que incidan na capacidade competitiva das empresas e que incrementen a súa capacidade tecnolóxica e innovadora mediante a dotación de recursos materiais específicos para desenvolver os seus proxectos de innovación, así como a dotación de unidades de I+D como via de mellora da súa competitividade mediante a posta no mercado de novos ou mellorados produtos ou servizos, e a transferencia de tecnoloxía.

Están dirixidas a EMPRESAS PRIVADAS CON PERSONALIDADE XURÍDICA (CNAE-09 excluidos: 01, 02, 03, 05, 10.2, 24.1, 24.2, 24.3, 24.51, 24.52, 30.11, sector de fibras sintéticas e actividades relacionadas coa exportación).

Son subvencionables os activos materiais e intanxibles vinculados a:

  1. Maquinaria necesaria para o proxecto. Agás medios e equipamentos de transporte no sector do transporte.

  2. Equipamento específico para a unidade de I+D.

  3. Instalacións e acondicionamentos imprescindibles para o funcionamento dos equipamentos adquiridos (MÁX 25%). 

  4. Adquisición de dereitos de propiedade industrial relativos a invencións.

Estes activos deben ser necesarios para os proxectos: 

  A. Creación dun novo centro produtivo ou a ampliación dun establecemento da empresa solicitante coa finalidade de permitir o desenvolvemento de novos produtos e procesos. 

  B. Diversificación da produción dun establecemento para atender mercados de produtos novos e adicionais. 

  C. Transformación fundamental de carácter innovador no proceso global de produción dun establecemento existente. 

  D. Creación e ampliación da capacidade tecnolóxica estable dentro das empresas mediante estruturas de investigación e innovación de dimensión apropiada para a xeración de desenvolvemento tecnolóxico (Dotación de unidades de I+D). 

  E. Transferencia de tecnoloxía mediante a adquisición de licenzas relativas a invencións.

Esta convocatoria oferta unha contía de subvención de: 

   PEQUENA EMPRESA: 50% 

   MEDIANA EMPRESA: 40% 

   GRAN EMPRESA e SECTOR TRANSPORTE: 30%

Serán necesarios uns orzamentos mínimos de 50.000 euros para os proxectos tipo A, B e C, 30.000 euros para os tipo D, e sin orzamento mínimo para os tipo E.

O prazo de solicitude remata o próximo 24 de febreiro. 

Máis info:

RESOLUCIÓN do 30 de Decembro de 2013: DOG 24/01/2014, páx. 3.044
Ampliación da dotación orzamentaria: RESOLUCIÓN do 11 de abril de 2014