LEADER GALICIA 2007-2013

Como o próximo 21 de maio será o 20 aniversario do programa LIFE, imos dedicar uns minutos a lembrar en que consiste o programa LEADER, xa que o LIFE estará en breve bastante publicitado.

Neste programa poderán ter a condición de beneficiarios:
  1) Persoas físicas ou xurídicas de carácter privado;

  2) Entidades públicas de carácter local ou comarcal;

  3) Comunidades de montes veciñais en man común.

Deben ter a consideración de PEMEs.
  

Os proxectos e actuacións subvencionables deberán contribuír a acadar algún dos seguintes obxectivos:
 Medida 411 - Dinamización do sector agrario e forestal:
  -Investimentos no sector agrario.

  -Aumento do valor económico dos montes.

  -Aumento do valor engadido dos produtos agrarios e forestais.
  -Cooperación para o desenvolvemento de novos produtos, procesos e tecnoloxías no sector agrario, alimentario e forestal.
 Medida 412 - Mellora ambiental e do contorno rural:
  -Investimentos non-produtivos en explotacións agrarias.
  -Investimentos non-produtivos en espazos forestais.
  -Investimentos non-produtivos para a adecuación, recuperación e posta en valor do patrimonio natural no contorno rural.
 Medida 413 - Diversificación da economía rural e mellora da calidade de vida:
  -Diversificación das explotacións agrarias cara a actividades non agrarias.
  -Creación, ampliación e modernización de PEMEs.
  -Fomento de actividades turísticas.
  -Servizos básicos para a economía e a poboación rural.
  -Renovación e desenvolvemento de poboacións rurais e conservación e mellora do patrimonio rural.
  -Formación vinculada a proxectos subvencionados.
 
Serán conceptos subvencionables:
   1-Construción, adquisición e mellora de bens inmobles;
   2-Instalacións e compra de maquinaria e equipos, incluídos programas informáticos;
   3-Equipamento e material non funxible;
   4-Adquisición de terreos non edificados (MÁX 10% do investimento total);
   5-Custos xerais como estudos técnicos, gastos de proxectos, dirección de obra, estudos de viabilidade, consultaría relativa aos investimentos realizados, e adquisición e expedición de patentes e licenzas (MÁX 20% do investimento total);
   6-Medios e equipos de transporte.

 
A porcentaxe máxima de subvención ao abeiro do programa LEADER, independentemente doutras axudas complementarias compatibles, é para os proxectos produtivos ata o 45%, e para os proxectos non produtivos de ata o 100%, dependendo da tipoloxía do proxecto. O límite máximo de axuda por proxecto é de 250.000 €, dependendo da tipoloxía de proxectos regulada no Réxime de Axudas.
  

O prazo para a presentación de solicitudes de subvención estará aberto ata o 1 de Setembro de 2013, sempre que non se esgoten os fondos antes.
  

Para preparar as solicitudes a tramitación é sinsela, basta coñecer a que GRUPO DE DESENVOLVEMENTO RURAL ou GDR pertence o noso concello, xa que actuarán como intermediarios no proceso, vexámonos no MAPA.

Unha vez situados, podemos consultar as condición de participación no noso GDR, por exemplo, no GDR-18 (es que yo te soy de Vigo) aparece toda a información necesaria para a tramitación da axuda: manual do promotor (osease do beneficiario), modelos normalizados para cubrir, lexislación aplicable...

MÁIS INFORMACIÓN: AGADER