IG107-AXUDAS PARA CREACIÓN DE PEMEs OU INVESTIMENTOS EN PEMEs PROMOVIDAS POR NOVOS EMPRENDEDORES

O pasado venres 13 de decembro publicáronse no DOG as axudas a proxectos de creación de PEMEs ou de realización de investimentos en PEMEs novas promovidas por novos emprendedores para a ampliación do seu novo establecemento cun investimento entre 35.000 e 500.000 euros, agora coñecidas como GALICIA EMPRENDE.

Está destinada a PEMEs coas seguintes características:

  1. Composición do capital: maioritariamente pola suma das participacións de persoas físicas que non estean acometendo outras actividades económicas por conta propia e das achegas de entidades de capital risco e investidores privados dunha rede business-angels. A participación de persoas que desenvolvan outras actividades económicas non poderá exceder o 49%. Alo menos unha persoa física sen outra actividade económica con participación superior ao 20% deberá ter unha dedicación plena. 

  2. Antiguedade da actividade: a) Autónomos: alta censal non superior a 42 meses dende a solicitude de axuda, e dedicación plena; b) Sociedades: constitución e alta censal non superior a 42 meses. 

  3. Contribución financeira exenta de axudas públicas: alo menos un 25% mediante recursos propios ou financiamento externo. 

  4. Actividades excluídas: CNAE 09: 01 (agás 01.61 e 01.62), 02 (agás 02.40), 03, 05, 10.2, 24.1, 24.2, 24.3, 24.51, 24.52, 30.11, 46.38, sector fibras sintéticas, e sector hostalaría, restauración e hospedaxe (agás dúas estrelas ou superior).

Subvencionanse conceptos como: 

 a) INVESTIMENTOS en:

   i. Obra civil para construción, reforma ou habilitación de instalacións.

   ii. Bens de equipamento: maquinaria de proceso, utensilios, equipamentos informáticos, mobiliario, instalacións específicas, elementos de transporte interior, vehículos especiais de transporte exterior, medios de protección do ambiente e outros bens de equipamento. Nos sectores do transporte e loxístico non serán subvencionables os elementos de transporte exterior.

   iii. Outros activos fixos mobiliarios.

   iv. Activos inmateriais vinculados á transferencia de tecnoloxía: dereitos de patentes, licenzas, know-how, coñecementos técnicos non patentados, incluíndo aplicacións informáticas. 

 b) APROVISIONAMENTOS de materias primas, produtos terminados ou servizos de profesionais independentes necesarios para vender (MÁX 10%). 

 c) GASTO I+D e primeira anualidade do CANON FIXO DE FRANQUÍAS.

 d) ALUGUER DE BENS INMOBLES (MÁX 1 ANO).

 e) INFORME DE AUDITORÍA

Cunha contía de axuda mínima do 15% e máxima do 50% segundo a fórmula 15+35x(PUNTUACIÓN/100): 

    1. INVESTIMENTOS: Medianas: 40%; Pequenas: 50%; Sector transporte: 30%; Sector transformación e comercialización produtos agrícolas: 50% 

    2. ALUGUERES: Pequenas: 35% 

    3. AUDITORÍA: 50% 

Para municipios das comarcas de Ferrol, Eume, Ortegal, Costa da Morte, e das provincias de Lugo e Ourense garántese unha axuda mínima do 25%.

Se estades interesados o prazo de solicitude remata o 30 de abril de 2014, ou co esgotamento do crédito asignado para a axuda.

Máis info: 

RESOLUCIÓN do 5 de Decembro de 2013 (DOG 13 decembro 2013, páx. 47.893)
Corrección erros (DOG 23 decembro 2013, páx. 49.414) 
Modificación BR: RESOLUCIÓN do 5 de Marzo de 2014 (DOG 12 marzo 2014, páx. 10.559)